MIKATE YA UFUTA

MAHITAJI

1.Unga wa ngano nusu

2.Nazi kubwa 1

3.Hamira vijiko vya chakula 2

4.Chumvi kijiko cha chakula 1

5.Mafuta nusu kikombe cha chai

6.Ufuta nusu kikombe cha chai

7.Maji kiasi

MAANDALIZI

1.Kuna nazi na chuja kwenye chombo ujazo wa jagi dogo la maji

2.Chekecha unga wako vizuri kwenye bakuli safi

3.Weka chumvi na uchanganye unga vizuri kisha weka tui kidogo kidogo huku ukichanganya kwa mkono

4.Endelea kuweka tui mpaka unga uwe kama uji uji sio mzito sana wala mwepesi sana

5.Acha kuweka tui fanya kama unaupiga piga makofi kutoa mabuje na mabonge kwa muda wa dakika 10

6.Uache unga wako ufure na uumuke vizuri

JINSI YA KUPIKA

1.Andaa jiko la mkaa lenye moto wa wastani

2.Weka maji na chumvi kidogo kwenye kibakuli kinachoweza kuingia mkono

3.Chukua chuma(Frying pan) cha kupikia ufuta weka mkono kwenye maji ya chumvi kisha fanya kama unakungutia maji yaloganda kwenye mkono katika chuma chako

4.Chota kwa mkono uji wako weka kama mikono miwili ya uji kwenye chuyma cha mkate

5.Kiweke jikoni kisha chukua ufuta kiasi nyunyizia juu ya ule uji kwenye chuma chako

6.Acha kwa dakika 3 ukiona unaanza kubadilika kuwa na weupe wa kuiva kwa chini geuza chuma cha mkate juu chini kama unataka kuumwaga mkate

7.Weka chuma hivyo hivyo huku ukiuangalia mkate wako usiungue

8.Ukiwa wa brown geuza chuma kisha tumia kisu kutoa mkate wako

9.Weka kwenye sahani chukua brush chovya kwenye mafuta kisha upake mkate wako kwa kupakaa mafuta kidogo tu

10.Rudia njia hizo hapo juu mpaka umalize uji wako wote.

Angalizo:

1.Hakikisha unatumia vyuma vya bati(Frying pan za Bati) vinavyotengenezwa Tanzania ndio vya kupikia mikate ya ufuta ukitumia chuma kingine mkate utaanguka kwenye moto

2.Pia mkate huu unapikwa kwa kutumia jiko la mkaa au wengine wanatumia grill

3.Tumia moto wa wastani kupata rangi ya kuvutia mkate ukiungua hup[oteza rangi ya mvuto na ladha hubadilika

4.Halkikisha huzidishi chumvi wakati wa kupika hufanya mikate kuwa mibaya

5.Ili mikate iwe milaini hakikisha tui linakua zito na  la kutosha

Furahia Mikate Ya Ufuta.

MEAT-ROLL ZA SIAGI NA NYAMA(BUTTER MEAT-ROLL WITH GROUND BEEF)

MAHITAJI/INGREDIENTS

1.Siagi robo
  1/4 kg Butter(Margarine)

2.Nyama ya kusaga robo
 1/4 Ground Beef

3.Unga wa ngano Nusu
 1/2 kg Flour

4.Mayai 3
 3 Eggs

5.Chumvi vijiko 2
 2 Tbsp  of salt

6.Karoti 1
 1 Carrot

7.Pilipili boga 1
 1 Green pepper

8.Kitunguu thomu punje 3
  3 garlic cloves

9.Pilipili ya kuwasha 1
 1 Red Chill

10.Tangawizi kipande
 1/2 piece of ginger

11.Ndimu ndogo 1
 1 Lemon

12.Baking Powder kijiko 1
 1 Tbsp of Baking powder

 MAANDALIZI/PREPARATION

1.Twanga tangawizi,kitunguu thomu, na chumvi kijiko 1

  Take ginger mix with garlic and salt and grind them together

2.Weka nyama kwenye sufuria kisha weka viungo ulivyo vitwanga

 Put ground beef in a pot and mix with mixture you get in step number 1

3.Weka blue band kwenye chombo na chumvi kijiko 1 na uisage kwa mkono kwa kutumia mwiko au hand mixer kidogo

 Mix butter with 1 Tbsp of salt and mix them with hand or stand mixer

4.Weka baking powder na yai moja kisha ichanganye vizuri
 Add baking powder and 1 egg then keep mixing for 3 minutes tilll mixed well

5.Chunga unga kisha weka kidogo kidogo mpaka ufanyike donge moja usiweke unga wote

 Sift the flour and add in the butter till you get fine dough

6.Vunja mayai weka kwenye kibakuli yapige pige kisha yafunike weka pembeni

  Beat the remain eggs in a bowl and cover them for further uses

7.Osha karoti na pilipili boga

 Wash well the Carrot and Green pepper

8.Karoti ipare na pilipili boga ikate vipande vidogo kiasi

 Grate the carrot and cut the green pepper in small pieces

JINSI YA KUPIKA/HOW TO COOK

1.Kamulia ndimu nyama  acha ichemke mpaka iwive

  Add lemon juice in a pot of ground beef till become brown

2.Twanga pilipili weka kwenye nyama kisha weka karoti na pilipili boga changanya vizuri na uonje chumvi

 Grind Red chill add in the beef after taking it off the heat

3.Chukua donge lako la unga sukuma kwenye kibao au meza

  Take a dough and use the rolling pin to roll over the dough  

4.Sukuma unga uwe kama shape ya chapati ila isiwe nyembamba kama chapati wala isiwe nene sana

 Roll over the dough to get big circle of medium size

5.Chukua kisu pasua ukate kate maduara ya umbo la oval yaani duara ambalo pana kidogo ila refu kiasi au tumia meat-roll maker kupata umbo zuri zaidi

  Use a knife and cut the dough to get many pieces having oval in shape

6.Kisha chukua kijiko chota nyama yako weka katikati ya kila duara

 Then take the ground beef mixture and place at a middle of your oval shape dough

   

7.Chukua ncha moja ya duara funika mpaka kwenye ncha ya pili yaani nyama iwe katikati isionekane

 Cover the ground beef by taking one end of dough to other end

8.Chukua uma kisha bana pembeni kuifunga meat-roll yako ili nyama isitoke rudia kwa meat-roll 

zote mpaka umalize

 Use the fork to bind the edge of a dough so as to let the mixture of ground beef to be inside the dough

9.Panga kwenye tray kwa ajili ya kuweka katika oven

 Keep the meat-roll in a tray

10.Kisha paka mayai yale uliyo yavunja juu ya meat-roll zako zote
 Take the bitten eggs with a brush and brush the meat-roll

11.Choma kwa moto wa 100-150'C kwenye cooker kwa dakika 10-15

 Cook them by using 100'-150'C in an Oven for 10-15 minutes

12.Zikiwa za rangi ya brown epua subiri zipoe
 Cook them until become brown

13.Unaweza kula na kinywaji upendacho 

 You can serve with any drinks

Angalizo:Note

1.Hakikisha unaweka unga taratibu kuepuka done kuwa gumu sana 

 Becareful in adding the flour so as to avoid the hard dough

2.Onja nyama yako kabla kuweka kwenye unga ili kama kuna kitu hakijakolea vizuri uongeze

 Make sure the mixture of ground beef has nice taste before place in a dough

3.Kama jiko lako lina moto mkali kuwa makini kwa kuangalia mara kwa mara ili zisiungue

 If your Oven has high heat make sure you cook them below 100-150'C

Furahia Meat-Roll Zako

KISAMVU

MAHITAJI
1.Mboga ya Kisamvu kiasi
2.Nazi ndogo moja
3.Karoti ndogo 1
4.Kitunguu maji 1
5.Kitunguu thomu punje 5
6.Pilipili boga(Pilipili hoho) ndogo 1
7.Nyanya kubwa(Tungule) 1
8.Sukari kijiko kidogo 1
9.Chumvi vijiko kikubwa 2
10.Maji kiasi

MAANDALIZI
1.Osha mboga yako vizuri kisha iweke kwenye kinu
2.Twanga mboga yako na chumvi kijiko kimoja na kitunguu thomu
3.Twanga mpaka itwangike vizuri kisha weka kwenye sufuria
4.Kuna nazi kisha chuja tui la kwanza na la pili
5.Osha viungo vyako kisha katakata vitunguu maji,nyanya,pilipili hoho na karoti ipare

JINSI YA KUPIKA
1.Weka mboga jikoni na maji kiasi acha ichemke
2.Maji yakikauka weka mengine chemsha mboga yako kwa muda wa dakika 20
3.Ikiiva weka viungo ulivyo vikata kata na tui la kwanza acha vichemke
4.Baada ya tui kupungua onja mboga yako kama chumvi hakuna au imepungua ongeza
5.Kisha weka sukari na tui la kwanza acha likaukie ila libaki kiduchu sana
6.Likikauka epua ichanganye vizuri
7.Weka kwenye kibakuli unaweza kula na wali,ugali,chapati n.k
Angalizo:
1.Ni vizuri mboga kuichemsha sana kabla ya kuweka nazi
2.Hakikisha unaweka nazi ya kukuna mwenyewe ili mboga iwe tamu
3.Usikaushe mboga kabisa kabisa na wala usiiwache na maji mengi
4.Ukipenda chemsha mboga yako na kunde au mbaazi mbichi

Furahia Kisamvu Chako

WALI WA ROSTI(ROASTED RICE)

MAHITAJI

1.Mchele robo

2.Nyama Robo

3.Nyanya(Tungule) kubwa 3

4.Karoti 1

5.Pilipili boga (Pilipili Hoho) 1

9.Kitunguu maji kidogo 1

10.Nyanya pakti vijiko vya chakula 3

11.Vitunguu thomu punje kubwa 3

12.Chumvi kiasi

13.Mafuta vijiko vya chakula 3

14.Tangawizi iliotwangwa kijiko cha chakula 1

15.Viazi mbata vidogo 6

16.Maji kikombe kikubwa cha chai 1

MAANDALIZI

1.Katakata nyama yako na ioshe

2.Chagua mchele na uoshe vizuri

3.Osha viungo vilobakia na viache ndani ya bakuli lenye maji

4.Anza kukata kata vitunguu weka pembeni

5.Katakata pilipili boga weka pembani

6.Kisha katakata karoti kwa urefu nayo iweke pembeni

7.Menya viazi mbatata na weka pembeni

JINSI YAKUPIKA

1.Weka nyama tangawizi na vitunguu thomu vilotwangwa na chumvi jikoni acha kwa dakika 2

2.Weka maji kiasi acha iive

3.Endelea kuweka maji mpaka iive na kuwa laini na iache na supu kidogo sana

4.Weka sufuria nyengine jikoni na weka mafuta

5.Kaanga vitunguu,karoti na pilipili boga

6.Weka viazi viache kwa dakika 1

7.Kisha weka nyanya na chumvi na koroga kisha funika kwa dakika 3

8.Mimina supu yako acha kwa dakika 5 ukiwa umefunika

9.Weka nyanya ya paketi koroga acha kidogo

10.Mimina Maji yaache yachemke vizuri

12.Onja chumvi kama kidogo Ongeza kisha weka mchele wako

13.Koroga kidogo funika mchele wako mpaka maji yakauke

14.Geuza wali wako upambie au ufunike hadi ukauke

15.Ukikauka tayari kwa kuliwa

16.Unaweza kula na salad ama mtupu

Angalizo:

1.Hakikisha unaweka mchele wakati maji yamepungua ili usiwe bwabwa

2.Usikoroge wali mara kwa mara

3.Usiweke maji mengi ukiwa bwabwa haupendezi

Furahia Wali Wako.

KEKI YA FRUITS ISIYOKOZA(LIGHT FRUITS CAKE)

MAHITAJI

1.Blue band robo

2.Sukari robo

3.Mayai 6

4.Baking powder kijiko cha chakula 1

5.Unga wa ngano nusu

9.Arki Vanilla kijiko 1

10.Arki ya Ice cream kijiko 1

11.Fruit za keki robo kikombe cha chai

12.Chumvi kiduchu

13.Sukari ya Dandii robo kikombe kidogo cha chai

MAANDALIZI

1.Chunga unga wa ngano weka baking powder na chumvi uchanganye weka pembeni

2.Saga sukari na siagi(Blue band) kwa mkono au hand mixer mpaka ilainike

3.Koroga vizuri kisha weka arki na uchanganye vizuri
4.Vunja mayai weka kwenye mchaganyiko wako wa siagi

5.Weka unga taratibu mpaka mchanganyiko wako uwe uji mzito

6.Weka dandii yako na changanya vizuri mchanganyiko wako

7.Malizia kwa kuweka fruit kisha koroga vizuri

8.Weka kwenye tray au chombo chochote cha kupikia keki

JINSI YAKUPIKA

1.Washa oven kwa moto wa wastani

2.Weka keki yako acha iive mpaka ipige rangi ya brown

3.Chukua kijiti kisafi au tooth pick

4.Chomeka sehemu tofauti kuangalia kama keki imeiva

5.Kijiti kikitoka kikavu keki imeshaiva

6.Kikitika kimaji iache keki ikauke

7.Toa keki ikiiva kata kata tayari kula na Kinywaji upendacho

Angalizo:

1.Hakikisha unaweka moto ambao hauunguzi keki yako

2.Usiweke dandii nyingi keki itakua chungu

3.Usiweke maji

4.Kama unatumia mwiko ni vizuri kutumia mwiko wa ugali kusagia keki yako

5.Hakikisha unaisaga siagi hadi inalainika kama unatumia mkono

6.Unaweza kupika hata kwa mkaa ukikosa oven

Furahia Fruit Cake Yako Zako.

CHIPSI NA YAI LA KUVURUGA(SCRAMBLED EGGS WITH CHIPS)

MAHITAJI/INGREDIENTS

1.Viazi mbatata vikubwa 8
 8 Medium size Potatoes

2.Mayai 2
 2 Eggs

3.Nyanya za Mchuzi(Tungule) 2
 2 Fresh Tomatoes

4.Nyanya ya pakti vijiko 2
  2 Tbsp Tomato Paste

5.Karoti 1
  1 Carrot

9.Pilipili Boga(Pilipili hoho) ndogo 1
  1 small size Green pepper

10.Chumvi kijiko chai 1
  1 Tbsp of salt

11.Kitunguu maji kidogo 1

  1 small sized Onion

12.Mafuta nusu lita

  1/2 Litre of cooking oil

13.Maji kiasi

   Water for washing ingredients

MAANDALIZI/PREPARATION

1.Menya viazi na uvikate vipande kama unavyokata chipsi za kawaida

  Peal the potatoes and slice as chips shape

2.Vioshe na uviweke kwenye maji
  Wash and leave your chips in water

4.Osha viungo vilobakia
 Wash other ingredients remain

5.Katakata vitunguu maji,pilipili boga weka pembeni
  Slice or chop the onion

6.Para karoti weka pembeni
 Grate Carrots and keep it a side

7.Saga au para nyanya weka pembeni
 Blend the tomatoes and keep it aside

8.Vunja mayai weka chumvi kidogo na yapige pige kama unataka kuyakaanga ila yaweke kando

 Crack two eggs into a bowl or jug. Add one tablespoon of salt and beat them vigorously    

JINSI YAKUPIKA/HOW TO COOK

1.Weka mafuta kwenye karai yakipata moto vizuri zikaange chipsi mpaka ziive

 Pour oil in a cooking pan let them be heated well enough then start frying your chips till fried

2.Toa chipsi na uziweke kwenye chujio

 After fried well put them in cooking filter or tissue

3.Chukua frying pan weka mafuta kama vijiko 3 vya chakula

  Take another pan put 3 tablespoon of oil and let it heated 

4.Yakipata moto anza kukaanga vitunguu kisha pilipili boga kisha karoti kwa dakika 1

  Then Put Onion,Green pepper than carrots leave them for 1 minutes

5.Kisha mimina nyanya weka chumvi na koroga kidogo mchanganyiko wako

  Add tomatoes with salt and mix it well by spatula 

6.Acha dakika 1 jikoni

 After a minutes 

7.Weka nyanya ya paketi koroga

  Add tomato paste

8.Mimina chipsi na zichanganye vizuri

 Add cooked chips and mix well with tomatoes

9.Malizia kwa kuweka yai na acha kwa dakika moja

 Finally pour your beaten eggs and wait for a minute

10.Kisha koroga mpaka uone yai lako limekatika katika

  As the eggs start to cook use spatula to mix well your mixture to scrape the cooked eggs

11.Mimina kwenye sahani subiri ipoe tayari kwa kula

Remove your mixture in a pan to the plate

12.Unaweza kula na mkate wa aina yoyote wa chumvi

 You can serve with any salt bread

Angalizo:Note

1.Usipike chipsi kabla mafuta kupata moto vizuri
 Dont put the sliced potatoes if the oil are not heated enough

2.Usikoroge yai lako mpaka litakapofanya weupe wa kuiva kidogo
 Dont scramble the eggs till makes white cooked layer

3.Hakikisha unapika kwenye frying pan kubwa ya kuenea chipsi
 Use medium size frying pan

4.Sio lazima kuweka nyanya ya paketi
  Tomato paste is Optional 

Furahia Chipsi Yai Zako.

VIAZI VITAMU

MAHITAJI

1.Viazi vitamu vikubwa 5

2.Nazi pakti 1

3.Sukari vijiko vha chakula 5

4.Arki Vanilla kijiko cha chai 1

5.Custard kijiko cha chakula 1

9.Hiliki punje 10

10.Chumvi kijiko cha chai 1

11.Maji kiasi

MAANDALIZI

1.Menya viazi na uvikate vipande vidogo vidogo

2.Vioshe na uviweke kwenye sufuria safi na maji kiasi

4.Menya na utwange hiliki

5.Chukua tui gawa sehemu mbili.Robo weka kwenye kikombe lilobakia weka kando

6.Chukua tui robo kikombe weka custard na ikoroge vizuri

JINSI YAKUPIKA

1.Chukua chumvi weka kwenye viazi vyako weka jikoni acha vichemke hadi viive

2.Mwaga maji yaliyobaki acha viazi vilivyo iva bila ya maji

3.Weka tui lililobaki kwenye viazi viloiva pamoja na sukari na hiliki na urudishe jikoni kwa moto wa wastani

4.Acha vichemke kwa dakika 5 hadi tui lipungue

5.Malizia kwa kuweka arki na tui lenye custard

6.Acha dakika 1 jikoni na viepue

7.Acha vipoe pakua tayari kwa kula

8.Inapendeza kula na samaki wa kukaanga

Angalizo:

1.Usiviache vikachemka hadi vikavurugika kabla ya kuweka tui

2.Usikoroge mpaka wakati wa kuvipakua

3.Unaweza kupika na nazi ya kawaida au ya unga

4.Sio lazima kuweka custard

Furahia Viazi Vitamu Vyako.